Միացեալ Նահանգներ յատկացուցին 8,8 միլիառ տոլար` ՏԱՀԵՇ-ի դէմ պատերազմի համար։
Նինուէ նահանգին մէջ բժշկական աղբիւրներ կը հաղորդեն, թէ Ահաբեկչութեան դէմ միջազգային
դաշինքի օդուժը ռմբակոծած է Մուսուլի հարաւային շրջաններէն մէկուն մէջ ՏԱՀԵՇ խմբաւորման
մարզումի կեդրոններէն մէկը: Ռմբակոծումը պատճառ դարձաւ 9 ղեկավարներու սպանութեան, մեծամասնութիւնը`
արաբական եւ օտար քաղաքացիութիւն կրողներ: Բժշկական աղբիւրները աւելցուցին, որ «սպաննուած
ղեկավարները ժողով մը կը գումարէին»: Միւս կողմէ, «Սքայ Նիուզ» պատկերասփիւռի կայանը
հաղորդեց, որ միջազգային դաշինքը գործած է օդուժի 27 հարուած` Իրաքի եւ Սուրիոյ մէջ ՏԱՀԵՇ
խմբաւորման կեդրոններուն դէմ: Նշենք նաեւ, որ երէկ ամերիկեան իշխանութիւնները յատկացուցին
8,8 միլիառ տոլար` Իրաքի օգնութեան եւ ՏԱՀԵՇ-ի դէմ պատերազմին համար: